P72.13M worth of Rice Processing System mula sa DA para sa Sta. Catalina Multi-Purpose Cooperative pinasalamatan ni Gov. Mendoza

“𝗣𝟳𝟮.𝟭𝟯𝗠 𝘄𝗼𝗿𝘁𝗵 𝗼𝗳 𝗥𝗶𝗰𝗲 𝗣𝗿𝗼𝗰𝗲𝘀𝘀𝗶𝗻𝗴 𝗦𝘆𝘀𝘁𝗲𝗺” 𝗺𝘂𝗹𝗮 𝘀𝗮 𝗗𝗔 𝗽𝗮𝗿𝗮 𝘀𝗮 𝗦𝘁𝗮. 𝗖𝗮𝘁𝗮𝗹𝗶𝗻𝗮 𝗠𝘂𝗹𝘁𝗶-𝗽𝘂𝗿𝗽𝗼𝘀𝗲 𝗖𝗼𝗼𝗽𝗲𝗿𝗮𝘁𝗶𝘃𝗲 𝗽𝗶𝗻𝗮𝘀𝗮𝗹𝗮𝗺𝗮𝘁𝗮𝗻 𝗻𝗶 𝗚𝗼𝘃. 𝗠𝗲𝗻𝗱𝗼𝘇𝗮

Amas, Kidapawan City I Agosto 16, 2024 – Kinikilala ni Cotabato Governor Emmylou “Lala” J. Taliño-Mendoza ang mga kooperatiba na katuwang sa pangkalahatang pag-unlad ng lalawigan. Pinag-iibayo ng mga miyembro nito ang pagkakaisa at pagtutulungan upang mapagtibay pa ang pamumuhay ng bawat-isa.

Sa idinaos na “Inauguration and Turn-over of P72.13M worth of Rice Processing System to Sta. Catalina Multi-purpose Cooperative” ngayong Biyernes, sa Barangay Labuo, Pres. Roxas, inihayag ni Gov. Mendoza ang kanyang paghanga sa katatagan ng mga kooperatiba sa naturang bayan.

Kabilang dito ang Sta. Catalina Multi-purpose Cooperative na binubuo ng 229 “farmer members” na naging kwalipikadong benepisyaryo ng nabanggit na proyekto mula sa Department of Agriculture-Philippine Center for Postharvest Development and Mechanization (PHilmech) sa ilalim ng Rice Competitiveness and Enhancement Fund (RCEF) Mechanization Program.

Ang naturang proyekto na naisakatuparan sa pagsisikap nina President Ferdinand “Bongbong” R. Marcos. Jr., DA Secretary Francisco Tiu Laurel, Jr., at Field Office-12 Regional Executive Director Roberto T. Perales ay magbibigay ng kakayahan sa mga nabanggit na mga magsasaka upang mapamahalaan ang abot sa 507 ektaryang “rice fields” na bahagi ng 2,007 ektaryang sakahan sa nasabing bayan.

Sa mensahe ng butihing gobernadora, lubos nitong pinasalamatan ang pamahalaang nasyonal sa biyayang natatanggap ng lalawigan kabilang na ang nasabing tulong sa Sta. Catalina MPC.

Salamantala, hinikayat din nito ang mga “partner agencies” ng kapitolyo tulad ng DA, National Irrigation Administration (NIA), Department of Science and Technology (DOST), maging ang PHilMech at iba pang ahensya na magsagawa ng malalimang pag-aaral ukol sa “biosecurity” upang mabigyang proteksyon ang mga pananim at alagaing hayop sa anumang sakit at peste na mapanganib sa kanila tulad ng African Swine Fever (ASF) na patuloy na nilalabanan ng probinsya, pati na ang “leaf fall disease o pestalotiopsis” na ikinabahala naman ng mga magsasaka ng rubber sa probinsya noong nagdaang taon.

Ibinahagi rin ng ina ng lalawigan ang inisyatibong “rice convergence approach” na isinusulong ng kapitolyo katuwang ang DA at lokal na pamahalaan upang matulungan ang mga magsasaka ng palay, maiangat pa ang produksyon nito para matamo ang mas progresibong agrikultura at mapanatili ang pagiging isa sa mga “top-rice producing province” sa bansa.

Dumalo sa naturang aktibidad si DA Director Perales, PHilMech Director Dionisio G. Alvindia at Joel Dator, DA Agricultural Program Coordinating Officer Rey M. Domingo, DOST Provincial Director Michael Mayo, Vice-Governor Efren F. Piñol, Board Member Krista A. Piñol-Solis, Provincial Advisory Council (PAC) member Amalia J. Datukan, Acting Provincial Agriculturist Engr. Elena Ragonton, at Provincial Cooperative Development Office Shirly Pace.

Naroon rin ang mga kinatawan ng NFA, ATI,NIA, DepEd at lokal na pamahalaan, kasama ang representante ni Sen. Cynthia Villar na si Arthur Go at iba pang mga panauhin.//idcd-pgo-frigillana/photoby:WSamillano