#SoybeanProduction | Upang mas lalo pang palakasin ang produksiyon ng soybean sa rehiyon, pormal nang ipinagkaloob ng Department of Agriculture 12 sa ilalim ng Corn Program ang makinaryang thresher sa dalawang kooperatiba na nagkakahalaga ng PhP498,000.00 bawat isa nitong Marso 19-20, 2024.
Malugod na tinanggap ng Mapantao-Pembutadan Farmers Association mula sa bayan ng Alamada, Cotabato at DOLE-Phil Agrarian Reform Beneficiaries Cooperative (DARBC) na nagmula naman sa Polomolok, South Cotabato ang makinarya kung saan malaki ang maitutulong nito sa kanilang pagsasaka .
Binigyan din sila ng binhing pananim at dumaan sa maintenance training ang mga miyembro ng mga nasabing kooperatiba upang mas magiging maayos ang kanilang post-harvest activities at inaasahang tataas ang produksiyon.
Lubos namang nagpapasalamat ang dalawang kooperatiba at nangakong aalagan nila ang ibinigay na interbensyon sa kanila at ito ay palalaguin.