Agapan ang pagdami ng aksip o stem borer:
Hindi kailangan mag-spray ng lason kung wala pang 30-40 araw ang pananim. Dahil bata pa ang palay, makaka-recover pa ito mula sa pagkasira na dulot ng pesteng insekto. Dumadami din ang mga kaibigang kulisap sa unang 30 araw ng tanim.
I-monitor ang pagdami ng mga paruparo ng stem borer:
Kolektahin ang mga itlog, ilagay sa container, at hintaying mapisa. Kung ang lumabas ay mga putakti, hindi na kailangang mag-spray ng lason. Kung maraming uod ang mapisa, mag-spray sa loob ng 2 araw upang tamaan ang mga uod na nasa labas ng puno.
Hindi na makokontrol ng contact insecticides kung nakapasok na sa puno ang uod ng palay.
Mas epektibo pa rin pangontrol ng peste ang mga kaibigang kulisap.#PhilRice #QualityRiceQualityLife #PestManagement